დევიდ ჰარბორი, რებეკა ჰოლი და ესმე კრიდ-მაილსი ფსიქოლოგიურ ჰორორ ფილმ „მოჩვენებებით სავსე თავში“ ითამაშებენ

გამოცემა Deadline-ის ცნობით, დევიდ ჰარბორი („უცნაური ამბები“), რებეკა ჰოლი („სილამაზე“) და ესმე კრიდ-მაილსი („სენდმენი“) ფსიქოლოგიურ ჰორორ ფილმ „მოჩვენებებით სავსე თავში“ მონაწილეობის შესახებ საბოლოო მოლაპარაკებებს აწარმოებენ. კომპანია Lionsgate-მა პროექტის მსოფლიო უფლებები შეიძინა. იგი საერთაშორისო უფლებებს მომავალ კვირას ევროპის კინობაზრობაზე გაყიდის და, სავარაუდოდ, შიდა დისტრიბუციას თავად განახორციელებს. ვრონიკა ფრანცი და სევერინ ფიალა („ძილი ნებისა, დედა“, „ლოჟა“) ფილმის სცენარს წერენ და მას დადგამენ, რომელიც პოლ ტრემბლეის 2015 წლის რომანზე („აკაკუნე ქოხში“) იქნება დაფუძნებული. ფილმში ბარეტების ოჯახის გარეუბნის ცხოვრება ინგრევა, როდესაც მათი თინეიჯერი ქალიშვილის სიგიჟე რეალითი შოუს თემა ხდება. 15 წლის შემდეგ, მისი და, მერი, ჟურნალისტთან ერთად ოჯახის შემზარავ წარსულს უპირისპირდება, რითაც იმ ბოროტების ბუნებას ამჟღავნებს, რამაც ისინი გაანადგურა. პროდიუსერები არიან: რობერტ დაუნი უმცროსი და სიუზან დაუნი Team Downey-დან, დენიელ დუბიეკი და ლარა ალამედინი The Allegiance Theater-დან, დევიდ გამბინო და Fifth Season. „ამ გუნდის მხატვრული ხედვა ამ შემზარავ ისტორიაზე უდავოა – შთამბეჭდავი, გამორჩეული და ნამდვილად შემაშფოთებელი“, – განაცხადა Lionsgate-ის თავმჯდომარემ, ადამ ფოგელსონმა. „გასაკვირი არ არის, რომ სტივენ კინგმა ამ წიგნს ბოლო ათწლეულის მისი საყვარელი რომანი უწოდა და თქვა, რომ მან მას „ჯოჯოხეთივით შეაშინა“ – რაც ყველაფერს ამბობს.“