ჰილარი დაფმა ლინდსი ლოჰანთან ძველ დაპირისპირებაზე ისაუბრა და განაცხადა, რომ ჭორები „გიჟური პარასკევის“ (Freaky Friday) პრემიერაზე მისი მოულოდნელი გამოჩენის შესახებ სიმართლეა. „თინეიჯერი ვიყავი“, – ამბობს მსახიობი და დასძენს, რომ მას ლოჰანთან კონფლიქტი აღარ აქვს. „ვფიქრობ, აბსოლუტურად. დიახ. დიახ, თინეიჯერი ვიყავი“, – განუცხადა დაფმა ალექს კუპერს პოდკასტზე „Call Her Daddy“ ოთხშაბათს. „ამდენი წელი გავიდა, ვის ადარდებს? ამას მნიშვნელობა არ აქვს.“ დაფმა თქვა, რომ იმ დროს 15 ან 16 წლის იყო და ის მსახიობმა და ლოჰანის „გიჟური პარასკევის“ პარტნიორმა, ჩედ მაიკლ მარიმ მიიწვია. „ჩედ მაიკლ მარიმ მიმიწვია“, – განმარტა დაფმა. „რატომ? აღარ მინდა რაიმე დავიწყო, მაგრამ მან მითხრა: „ჩემთან ერთად უნდა წამოხვიდე“, მე კი ვუთხარი: „მმმ-ჰმმ. ალბათ უნდა წავიდე.“ მან ასევე თქვა, რომ არც ლოჰანის გამოჩენა შეაწუხა მის „ჩემი ძვირფასი თორმეტეულის“ (Cheaper by the Dozen) პრემიერაზე. „არა. არა. ვგულისხმობ, ეს იყო ჩემი ბავშვობის შუღლი, მტრობა“, – თქვა დაფმა. დაფმა განმარტა, რომ მათი დაპირისპირება გარდაცვლილი მუსიკოსის, აარონ კარტერის გამო დაიწყო, რომელსაც ორივე ხვდებოდა 2000-იანი წლების დასაწყისში. მიუხედავად ამისა, ახლა ორივე ქალბატონს შესანიშნავი ურთიერთობა აქვს, მათ კონფლიქტის დასასრულებლად ერთმანეთთან ერთად სასმელიც კი დალიეს. „ერთხელ ლინდსი კლუბში მომიახლოვდა და მითხრა: „კარგად ვართ?“ მე ვუპასუხე: „კარგად ვართ.“ მან მითხრა: „მოდი, თითო ჭიქა დავლიოთ.“ მე ვუთხარი: „კარგი.“ საუბრის ბოლოს დაფმა ასევე ისაუბრა ბავშვობაში ვარსკვლავად ზრდასა და ახალგაზრდა გოგონას იმიჯის შენარჩუნებაზე. კუპერმა იკითხა, როგორ იმოქმედა მის სექსუალურობაზე „კარგი გოგოს“ იარლიყებმა, რომლებიც მან მოზარდობისა და თინეიჯერობის წლებში მიიღო. „არ ვფიქრობ, რომ ამან იმოქმედა ჩემს ურთიერთობაზე სექსთან, მაგრამ ვფიქრობ, ეს უბრალოდ კიდევ ერთი რამ იყო, რაც ჩემს კარიერას მოჰყვა, რაც ნამდვილად არ მითხოვია და რაც უნდა მესწავლა მიმეღო“, – განმარტა დაფმა. „მაგრამ ეს ნამდვილად რთული იყო, როგორც ახალგაზრდა გოგოსთვის, რადგან მე „კარგ გოგოდ“ ვიყავი შერაცხული და ყველა ამბობდა: „ის კარგი გოგოა, ის კარგი გოგოა“ და უბრალოდ საჭირო იყო ვინმესთვის იარლიყის მიწებება, შემდეგ კი ყველაფერს აკეთებდნენ, რათა ამ იარლიყში ხარვეზები ეპოვათ ან რაიმე ნეგატიური ან ცუდი გამოეძიათ. ისინი უბრალოდ ისტორიების შექმნას ცდილობდნენ.“ მან განაგრძო და დასძინა, რომ ის უბრალოდ თინეიჯერი იყო, რომელიც აკეთებდა ყველაფერს, რასაც სხვა თინეიჯერები აკეთებდნენ იმ დროს. „მე „კარგ გოგოდ“ ვიყავი შერაცხული, მაგრამ ასევე ნორმალური ვარ, ვაკეთებ ყველა იმ ნორმალურ რამეს, რასაც თინეიჯერები აკეთებენ, და ვცდილობ უბრალოდ ვიარსებო ისე, რომ ეს რაღაცები ჩემს შესახებ სიმართლედ არ მივიღო, ან რაიმე სახის პირადი სივრცე მქონდეს, ვფიქრობ, ეს ნამდვილად რთული იყო და დიახ“, – გააზიარა დაფმა. „მემახსოვრება ის დრო, როცა იმ ადამიანმა მკითხა, ქალწული ვიყავი თუ არა და მე ვიყავი, ვფიქრობ, როგორც ბავშვი მსახიობი, ისე ხარ მიჩვეული, რომ ხალხს ის მისცე, რაც მათ უნდათ, ამიტომ მსგავს კითხვაზე პასუხის გაცემა ნამდვილად უცნაური იყო.“