ჯეისონ აიზექსი და მრავალი სხვა ვარსკვლავი ოფიციალურად დადასტურდნენ მომავალ ვამპირულ ჰორორ ფილმში „Crave“. Deadline-ის ინფორმაციით, აიზექსი ხელმძღვანელობს ვარსკვლავურ ანსამბლს, რომელშიც ასევე შედიან ნელ ვერლაკი, პაულინა ჩავესი, კირონ მური, ოინ მაკენი, ალისია სანზი, სედრიკ კუპერი, კორადო მარტინი, ალვიზე რიგო და ელისაბედ სანხუანი. ფილმი ამჟამად ესპანეთში იღება და ამ კვირაში ბერლინში, ევროპულ კინობაზრობაზე იქნება წარმოდგენილი, რათა დადგინდეს, ვინ მოიპოვებს მის უფლებებს. „წარსულით შეპყრობილი, მგლოვიარე გოგონა მოხვდება იდუმალ მოგზაურ კარნავალში, რომელიც მის პატარა ქალაქში ჩადის. მისი მომხიბვლელი შელოცვის ტყვეობაში მოქცეული, ის უფრო ღრმად ეშვება ილუზიების ქსელში – მხოლოდ იმის გასარკვევად, რომ არსებობს მიწისქვეშა სამყარო, რომელიც სასოწარკვეთილებით იკვებება და გაქცევისთვის ძვირადღირებულ ფასს ითხოვს“, – ნათქვამია ფილმის ოფიციალურ სინოფსისში. „Crave“-ის რეჟისორები არიან დევიდ შარბონიე და ჯასტინ პაუელი, რომლებმაც ადრე გადაიღეს „The Djinn“ და „The Boy Behind The Door“. ფილმის სცენარისტები არიან ჯეისონ და პიტერ ფილარდი. როჯერ კორბი, დომინიკ რუსტამი და ქრისტიან მერკური პროდიუსერებად იმუშავებენ, ხოლო ჯეისონ ფილარდი, პიტერ ფილარდი და რომან ვიარისი – აღმასრულებელი პროდიუსერებად. აიზექსმა მონაწილეობა მიიღო არაერთ საკულტო ფილმში, მათ შორის „არმაგედონი“, „პატრიოტი“, „შავი ქორი ეცემა“, „ჰარი პოტერის“ ფრენჩაიზი და სხვა. ბოლოს ის HBO-ს სერიალის, „თეთრი ლოტუსის“ უახლეს სეზონში გამოჩნდა. ვერლაკი ყველაზე მეტად ცნობილია Disney+-ის სპორტულ კომედიურ-დრამატულ სერიალ „Big Shot“-ში და სლეშერ ფილმ „მადლიერების დღე“-ში შესრულებული როლებით, რომლის გაგრძელებაშიც მოსალოდნელია მისი დაბრუნება. (წყარო: Deadline)