ჯენიფერ ენისტონმა მარგო რობისა და ჯეიკობ ელორდის ახალ ფილმს „ქარიშხლიანი უღელტეხილი“ (Wuthering Heights) „შოუტაუტი“ გაუკეთა. მსახიობმა პოპულარული სიტკომის „მეგობრების“ კლიპი გააზიარა, რითაც დახვეწილად გაუკეთა რეკლამა ისტორიულ რომანტიკულ დრამას. ჯენიფერ ენისტონმა საკუთარი ინსტაგრამის გვერდი გამოიყენა, რათა მარგო რობისა და ჯეიკობ ელორდის „ქარიშხლიანი უღელტეხილისთვის“ უნიკალური გზით გაეწია პოპულარიზაცია. 57 წლის მსახიობმა კლასიკური სიტკომის, „მეგობრების“ მე-5 სეზონის ერთ-ერთი ეპიზოდიდან საყვარელი კლიპი გააზიარა. ვიდეოში ვხედავთ ენისტონის პერსონაჟ რეიჩელს და ლიზა კუდროუს მიერ განსახიერებულ ფიბის, რომლებიც ლიტერატურის გაკვეთილისთვის ემილი ბრონტეს რომანს „ქარიშხლიანი უღელტეხილი“ სწავლობენ. რეიჩელი გაკვეთილზე გვიან მიდის და ფიბის უკან ჯდება. „რაზეა ეს წიგნი?“ ეკითხება ის ფიბის. ფიბი გაოცებულია და რეიჩელს ეუბნება: „თქვი, რომ ის სკოლაში წაიკითხე.“ რეიჩელი პასუხობს: „კი, მაგრამ მერე გამახსენდა, რომ დავიწყე და შემდეგ იყო „პეპ რალი“ (pep rally - გამამხნევებელი შეკრება), და მე, მე ვიყავი პირამიდის თავზე.“ ამიტომ, ფიბი გადაწყვეტს მეგობარს სიუჟეტი მოუყვეს. „ეს არის ტრაგიკული სასიყვარულო ისტორია კეტისა და ჰითკლიფს შორის,“ ამბობს ის. ფიბი ასევე დასძენს, რომ მოქმედება „ინგლისის ამ საშინელ ჭაობებზე (moors) ვითარდება, რაც, ვფიქრობ, ჰითკლიფის პერსონაჟის ველურობას წარმოადგენს. ის ასევე აღტაცებით ამბობს: „მე სრულად მესმის სიმბოლიზმის!“ ვერ ახერხებს რა ერთდროულად მთელი ინფორმაციის გადამუშავებას, რეიჩელი იბნევა და წიგნის თვალიერებას იწყებს. პოსტში ენისტონი იუმორისტულად აღნიშნავს, რომ მას არ სჭირდება ვრცელი რომანის წაკითხვა „ქარიშხლიანი უღელტეხილის“ ვარსკვლავების წყალობით. ის წარწერაში წერს: „მადლობა მარგოსა და ჯეიკობს, კითხვა არ არის საჭირო.“ ინტერნეტმომხმარებლებმა პოსტის ქვეშ რამდენიმე სახალისო კომენტარიც დატოვეს. ერთმა მომხმარებელმა თქვა: „საწყალი ფიბი, მას ნამდვილად სურდა რაღაცის სწავლა, მაშინ როცა რეიჩელს უბრალოდ გართობა უნდოდა.“ მეორემ აღნიშნა: „ეს მჭირდებოდა, დიახ!“ მესამე მომხმარებელმა დაწერა: „ლიტერატურის დედოფლები, სანამ ეს ტრენდული გახდებოდა!“ მეოთხე ნეტმომხმარებელმა აღნიშნა: „ცოტა მრცხვენია (და ცოტაც არა) იმის აღიარება, რომ WH-ის (Wuthering Heights) შესახებ ჩემი მთელი ცოდნა „მეგობრების“ ამ ეპიზოდიდან მოდის.“