ქერი ვაშინგტონი ვაშინგტონში ბრუნდება, სერიალ „სკანდალის“ შემდეგ 10 წლის თავზე. Netflix-ის მომავალ თრილერს, „An Innocent Girl“ („უდანაშაულო გოგონა“), რომელშიც უკვე მონაწილეობენ ქერი ვაშინგტონი და ჯეიმს მარსდენი, კიდევ ერთი ცნობილი სახე შეუერთდა. ფილმის გადაღებები მარტის ბოლოს დაიწყება. გამოცემა Deadline-ის ინფორმაციით, მსახიობი კოლმან დომინგო უერთდება ვაშინგტონს, მარსდენს და მანამდე დადასტურებულ ქასთის წევრ ქლოე ისტს. მისი ზუსტი როლი ჯერ არ გახმაურებულა, თუმცა ვიცით სიუჟეტის მოკლე აღწერა: „An Innocent Girl“ მოგვითხრობს ახალგაზრდა და ამბიციურ ქალზე, რომელსაც ვაშინგტონში მოღვაწე გავლენიანი წყვილი აცდუნებს. ის მალე აღმოჩნდება სექსის, ძალაუფლებისა და მკვლელობის საშიშ სამყაროში. ფილმის რეჟისორია ჟაუმ კოლეტ-სერა („Carry-On“), სცენარი კი მაიკლ მოჰანს („The Voyeurs“) და Arrowverse-ის მარკ გაგენჰაიმს ეკუთვნის. ვაშინგტონი პროექტში მხოლოდ მსახიობობით არ შემოიფარგლება, ის ასევე ერთ-ერთი აღმასრულებელი პროდიუსერია. დომინგოსთვის 2025 წელი საკმაოდ დატვირთული იყო, მან მონაწილეობა მიიღო „The Running Man“-ის რიმეიქსა და „Wicked: For Good“-ში. 2026 წელს ის გამოჩნდება „ეიფორიას“ (Euphoria) დიდი ხნის ნანატრ მესამე სეზონში და Netflix-ის მოულოდნელი ჰიტის, „Four Seasons“-ის დაბრუნებაში. დიდ ეკრანზე ის სტივენ სპილბერგის უახლეს ფილმ „Disclosure Day“-ში მიიღებს მონაწილეობას და მაიკლ ჯექსონის მამას, ჯო ჯექსონს, განასახიერებს მომავალ ბიოგრაფიულ ფილმ „Michael“-ში. Netflix-ის ფილმში „Wake Up Dead Man: A Knives Out Mystery“ გამოჩენის შემდეგ, ვაშინგტონს მალე ვიხილავთ Apple TV-ის სერიალ „Imperfect Women“-ში, რომლის აღმასრულებელი პროდიუსერიც ისევ თავად იქნება. ამასობაში, მარსდენმა სკოტ სამერსის/ციკლოპის როლს დაუბრუნდა მომავალ მეგა-კროსოვერში „Avengers: Doomsday“. ეს პირველი შემთხვევაა, როდესაც მან ეს პერსონაჟი – რომელიც პირველად 2000 წელს ითამაშა – 2014 წლის „X-Men: Days of Future Past“-ში მოკლე კამეოს შემდეგ ისევ განასახიერა. „An Innocent Girl“ Netflix-ზე გამოვა, თუმცა ამჟამად გამოსვლის თარიღი უცნობია.