მაიკ ფლენაგანი: რეჟისორის ყველაზე საშინელი ფილმი, რომლის შესახებ შესაძლოა არ გსმენიათ

2018 წელს Netflix-ზე გამოვიდა „ბორცვის სახლის აჩრდილები“ (The Haunting of Hill House) და მალევე გახდა სტრიმინგ სერვისის ერთ-ერთი უდიდესი ჰიტი. ამ სერიალმა რეჟისორსა და შემოქმედ მაიკ ფლენეგანს მსოფლიო აღიარება მოუტანა, რის შემდეგაც ყველასთვის ცხადი გახდა, რომ საშინელებათა ჟანრში მისი სახელი აუცილებლად უნდა იცოდნენ. „ბორცვის სახლის აჩრდილების“ შექმნის შემდეგ, ფლენეგანმა ჟანრში არაერთი მნიშვნელოვანი ფილმი და სერიალი გადაიღო. მიუხედავად იმისა, რომ მაყურებლის ზურგზე ჟრუანტელის მომგვრელი ნამუშევრებითაა ცნობილი, ფლენეგანის ყველაზე საშინელი ფილმი სინამდვილეში 2016 წელს გამოვიდა, ჯერ კიდევ მანამ, სანამ მან Netflix-ის ჰიტით დიდი წარმატება მოიპოვა. მაიკ ფლენეგანის ფილმოგრაფიაში ყველაზე შემზარავი ფილმია „ჰაში“ (Hush), რომლის შესახებაც, ალბათ, არასდროს გსმენიათ. როგორც აღინიშნა, ის „ბორცვის სახლის აჩრდილებამდე“ რამდენიმე წლით ადრე გამოვიდა, რაც იმას ნიშნავს, რომ იმ პერიოდში ხალხი მის ნამუშევრებს ისე მასობრივად არ ნახულობდა, როგორც ახლა. „ჰაში“ მოგვითხრობს საშინელებათა ჟანრის ავტორზე, რომელსაც სმენისა და მეტყველების უნარი არ გააჩნია, რა დროსაც მის სახლში ნიღბიანი მკვლელი შეიჭრება. ის ფაქტი, რომ მას არ შეუძლია გაიგოს, რას აკეთებს მკვლელი, ან დახმარებისთვის ვინმეს დაუკავშირდეს, შიშის დონეს კიდევ უფრო ზრდის, რის გამოც ის ფლენეგანის ყველაზე შემზარავ პროექტად ითვლება. ეს მისთვის ასევე განსხვავებული ტიპის საშინელებაა. მისი უმაღლესი შეფასების მქონე და ყველაზე პოპულარული საშინელებათა ფილმებისა და სერიალების უმეტესობა ზებუნებრივ ასპექტებს მოიცავს. „ბორცვის სახლის აჩრდილებში“ იყო „მოღრეცილკისრიანი ქალბატონი“, ხოლო მისმა ნამუშევარმა „ექიმ სლიპზე“ მოგვცა „ქუდიანი როუზი“. არც ერთი მათგანი არ არის „ჰაშში“. ამის ნაცვლად, შიში რეალისტურია, რადგან სახლში შემოჭრა იმ ადამიანის მიერ, რომელსაც ზიანის მიყენება სურს, ნამდვილად შეიძლება მოხდეს. ამ დაძაბული, 81-წუთიანი თრილერის ყურებისას, საკუთარ თავს მთავარი გმირის ადგილას აყენებთ და ყოველ შემზარავ მომენტს მასთან ერთად განიცდით, რაც მართლაც საშინელია. მაიკ ფლენეგანის თითქმის ყველა ფილმი თუ სატელევიზიო შოუ კარგად იქნა მიღებული. მცირე ფილმები, როგორიცაა „აბსენცია“ და „ოკულუსი“, ძალიან კარგი იყო, ხოლო მან წარუმატებელი „უიჯას“ შემდეგ გადაიბარა რეჟისორის სკამი და გადაიღო მისი გაგრძელება, „უიჯა: ბოროტების წარმოშობა“, რაც მნიშვნელოვანი გაუმჯობესება იყო. მან ასევე კრიტიკოსების მოწონება დაიმსახურა სტივენ კინგის რამდენიმე რომანის ადაპტირებით, „ჯერალდის თამაშიდან“ „ექიმ სლიპამდე“ და „ჩაკის ცხოვრებამდე“. მისი სატელევიზიო შოუები, „ბორცვის სახლის აჩრდილები“, „ბლაი მანორის აჩრდილები“, „შუაღამის მესა“, „აშერების სახლის დაცემა“ და „შუაღამის კლუბი“ ასევე დიდი ჰიტები იყო. როგორც ჩანს, რასაც მაიკ ფლენეგანი ხელს მოკიდებს, წარმატებული ხდება. ის ფაქტი, რომ „ჰაში“ მისი ფილმოგრაფიის ერთ-ერთი საუკეთესო ფილმია, საკმარისია იმის გასაგებად, რომ ის ნამდვილად ღირს სანახავად.