Netflix-ის მარტის პრემიერები: „გრეის ორმოცდაათი ელფერი“ და „იურული სამყაროს“ ტრილოგია

Netflix-ის ახალი სატელევიზიო შოუებისა და ფილმების გამოშვების განრიგი 2026 წლის 1-დან 8 მარტამდე პერიოდისთვის მოიცავს ტრილოგიას „გრეის ორმოცდაათი ელფერი“, ასევე ფილმებს „იურული სამყარო“ და „იურული სამყარო: დაცემული სამეფო“. 1 მარტს Netflix-ზე ტრილოგია „გრეის ორმოცდაათი ელფერი“ გამოჩნდება. E.L James-ის ამავე სახელწოდების რომანების სერიაზე დაფუძნებული ფილმი კრისტიან გრეისა და ანასტასია სტილის ვნებიან სასიყვარულო ისტორიას მოგვითხრობს. მთავარ როლებს ჯეიმი დორნანი და დაკოტა ჯონსონი ასრულებენ. გარდა ამისა, სტრიმინგ პლატფორმაზე გამოვა „იურული სამყარო“. 2015 წლის ფილმი, რომლის მოქმედებაც „იურული პარკის“ მოვლენებიდან 22 წლის შემდეგ ვითარდება, კლონირებული დინოზავრების ახალ თემატურ პარკს ეძღვნება კუნძულ ისლა ნუბარზე. Netflix-ზე ასევე გამოჩნდება „იურული სამყაროს“ გაგრძელება, სახელწოდებით „იურული სამყარო: დაცემული სამეფო“. ის აგრძელებს კლერისა და ოუენის თავგადასავლებს ისლა ნუბარზე. ამჯერად, მათ დინოზავრების გადარჩენა გარდაუვალი ვულკანური აფეთქებისგან უწევთ. ქვემოთ მოცემულია ყველა ახალი სატელევიზიო შოუ და ფილმი, რომელიც Netflix-ს 2026 წლის 1-დან 8 მარტამდე დაემატება (წყარო: What’s on Netflix). Netflix-ის სხვა კონტენტის სანახავად, შეგიძლიათ იხილოთ „დეტექტივი ჰოულის“ ტრეილერი.