ფილმი „პატარძლების ომები“ სერიალად იქცევა – მთავარ როლში ემა რობერტსი

2009 წლის პოპულარული ფილმი, რომელშიც ენ ჰეთეუეი და ქეით ჰადსონი თამაშობდნენ, სატელევიზიო სერიალად იქცევა. Peacock-ი 2009 წლის რომანტიკული კომედიის „პატარძლების ომები“ (Bride Wars) ხელახლა გადაღებას აპირებს – ამჯერად მცირე ეკრანისთვის. პროექტი ამჟამად დამუშავების პროცესშია და მისი სცენარის ავტორი და აღმასრულებელი პროდიუსერი ემის ჯილდოს მფლობელი საშა როტჩაილდია (Huge in France, GLOW). „პატარძლების ომების“ დაგეგმილ სერიალის ადაპტაციაში მთავარ როლს ემა რობერტსი შეასრულებს, ის ასევე იქნება პროექტის აღმასრულებელი პროდიუსერი. Deadline-ის ცნობით, რობერტსი ქორწილის ორგანიზატორის როლს მოირგებს, რომელიც მალე აღმოჩნდება კონკურენციაში სხვა ქორწილის ორგანიზატორთან. სიუჟეტის აღწერა შემდეგნაირად ჟღერს: „ჩრდილოეთ კაროლინას მომხიბვლელი პეიზაჟების ფონზე, სერიალი „პატარძლების ომები“ მოგვითხრობს დიდი ქალაქის ქორწილის ორგანიზატორზე (ემა რობერტსი), რომლის ჩამოსვლა პატარა ქალაქში იწვევს ეპიკურ დაპირისპირებას საყვარელ ადგილობრივ ორგანიზატორთან. როდესაც ორი ქალი ერთსა და იმავე ქორწილის დაგეგმვისთვის იბრძვის, მათი მეტოქეობა სწრაფად გადაიზრდება უფრო დიდ კონფლიქტში მეგობრობაზე, საზოგადოებაზე და, საბოლოო ჯამში, სიყვარულზე.“ რობერტსი ცნობილია მრავალი კინო და სატელევიზიო როლით, მათ შორის აღსანიშნავია: Aquamarine, Valentine’s Day, Scream 4, We’re the Millers, Palo Alto, Space Cadet, Scream Queens და American Horror Story-ის სხვადასხვა სეზონი (Freak Show, Apocalypse, 1984 და Delicate). ორიგინალ ფილმში „პატარძლების ომები“ ჰეთეუეი ემა-ს, ხოლო ჰადსონი ლივ-ის როლს ასრულებდნენ. ისინი ბავშვობის საუკეთესო მეგობრებს განასახიერებდნენ, რომლებიც მეტოქეებად იქცევიან მას შემდეგ, რაც შემთხვევით ერთსა და იმავე დღეს, ერთსა და იმავე ადგილას დაჯავშნიან ქორწილებს. სერიალის ადაპტაციისთვის, იმის ნაცვლად, რომ ორი პატარძალი დაუპირისპირდეს ერთმანეთს, სიუჟეტი ორ ქორწილის ორგანიზატორზე ტრიალებს, რომლებიც ერთი და იმავე ღონისძიების მოწყობისთვის იბრძვიან. შოუს აღმასრულებელ პროდიუსერებს შორისაა New Regency-ის არნონ მილჩანი, იარივ მილჩანი და ნატალი ლემანი; Belletrist-ის რობერტსი, ქარა პრეისი და მეტ მატრუსკი; და Crescent Line-ის ალექსანდრა მილჩანი და მარტინ სალგო. პროექტის შესახებ სხვა დეტალები ჯერ არ გამოცხადებულა. (წყარო: Deadline)