„სამყაროს მბრძანებლების“ ოფიციალურმა Twitter-ის გვერდმა მომავალი ლაივ-ექშენ რიბუტის 30-წამიანი სატელევიზიო რეკლამა გამოაქვეყნა. მიუხედავად იმისა, რომ კადრების უმეტესობა გასულ თვეში გამოქვეყნებული სრული თრეილერიდან არის გადმოტანილი, მასში რამდენიმე ახალი/ალტერნატიული სცენაც გვხვდება. სწორედ ბოლოს, ჩვენ ვხედავთ, როგორ ებრძვის ჰი-მენი (ნიკოლას გალიცინი) სკელეტორს (ჯარედ ლეტო) და უფრო ხანგრძლივად არის ნაჩვენები პრინცი ადამი, რომელიც აღმართავს თავის ძალის მახვილს, რათა გამოიყენოს გრეისკალის ციხის ძალა და ეტერნიის კუნთოვანი მფარველად გადაიქცეს. „ამას თანდაყოლილი სისულელე ახასიათებს, რასაც ჩვენ ვაღიარებთ და ვიღებთ“, – განაცხადა რეჟისორმა ტრევის ნაიტმა ჟურნალ Empire-თან ბოლო ინტერვიუში. „მე ვფიქრობ, რომ ეს, ფაქტობრივად, სათნოებაა. ეს სცენარშია ჩაქსოვილი, რათა ზოგიერთი რამ თანამედროვე მაყურებლისთვის აზრიანი იყოს. მაგალითად, რატომ უნდა ჰქონდეს ამ პერსონაჟს ასეთი სულელური სახელი? კარგი, ფილმის მსვლელობისას ჩვენ გაჩვენებთ, რატომ“. რაც შეეხება გალიცინის ადამ/ჰი-მენის როლზე დამტკიცებას, ნაიტი ამბობს, რომ მთავარი მსახიობის გარეგნობა არ ყოფილა მისი მთავარი საზრუნავი. „მე სხეულს არ ვეძებდი“, - ამბობს რეჟისორი. „მე სულს ვეძებდი. მჭირდებოდა ადამიანი, რომელსაც ექნებოდა ამ პერსონაჟის სული და შეეძლო ყოფილიყო სახალისო, მომხიბვლელი, გულისამაჩუყებელი და ამავდროც დამაჯერებლად დიდი სამოქმედო გმირი. რადგან აქ ორმაგობაა: ადამი არსებითად თანაგრძნობას განასახიერებს, ჰი-მენი კი ძალას“. ფილმში „სამყაროს მბრძანებლები“ ასევე მონაწილეობენ: ჯარედ ლეტო – სკელეტორის როლში, კამილა მენდესი – თილას როლში და იდრის ელბა – მენ-ეტ-არმსის როლში. მორენა ბაქარინი მოგვევლინება ჯადოქრის, ხოლო ჯეიმს პურფოი და შარლოტ რაილი ადამის მშობლების, მეფე რანდორისა და დედოფალ მარლენას როლებში. ელისონ ბრი შეასრულებს სკელეტორის მეორე მეთაურის, ეველ-ლინის როლს. ამასობაში, სემ ს. უილსონი ითამაშებს ტრაპ ჯაუს, კოჯო ატა – ტრაი-კლოპსს, ხოლო ჯონ ქსუ ჟანგი – რემ-მენს. ცოტა ხნის წინ, ქრისტინ უიგი რობოტოს გამხმოვანებლის როლშიც შეუერთდა მსახიობთა გუნდს. მრავალი წარუმატებელი მცდელობის შემდეგ, Netflix მზად იყო 2022 წელს შეექმნა სრულმეტრაჟიანი ფილმი საყვარელ ანიმაციურ სერიალზე, მაგრამ გასულ წელს ცნობილი გახდა, რომ პროექტის განხორციელების უახლესი მცდელობაც ჩაიშალა. თუმცა, მოგვიანებით გავიგეთ, რომ Amazon/MGM Studios-მა შეიძინა ფილმი, რეჟისორ ტრევის ნაიტთან (ფილმ „ბამბლბი“-ს რეჟისორი) მიმდინარეობდა მოლაპარაკებები მისი რეჟისორობის შესახებ. კრის ბატლერმა გადაწერა სცენარი დევიდ ქალაჰამის (Shang-Chi and the Legend of the Ten Rings) საწყისი ვერსიიდან. მანამდე, ნი ძმები (The Lost City) იყვნენ რეჟისორის პოსტზე წარდგენილნი. პროდიუსერები იქნებიან ტოდ ბლეკი, ჯეისონ ბლუმენტალი და სტივ ტიში, დევონ ფრანკლინთან ერთად. სიუჟეტი მოგვითხრობს „10 წლის პრინც ადამზე, რომელიც კოსმოსური ხომალდით დედამიწაზე ჩამოვარდა და გამოეყო თავის ჯადოსნურ ძალის მახვილს — ერთადერთ კავშირს მის სახლთან, ეტერნიასთან. თითქმის ორი ათწლეულის შემდეგ, როდესაც ის მახვილს იპოვის, პრინცი ადამი უკან, კოსმოსში ბრუნდება, რათა დაიცვას მშობლიური პლანეტა სკელეტორის ბოროტი ძალებისგან. მაგრამ ასეთი ძლევამოსილი ბოროტმოქმედის დასამარცხებლად, პრინც ადამს ჯერ საკუთარი წარსულის საიდუმლოებების ამოხსნა დასჭირდება და ჰი-მენად გადაიქცევა: სამყაროს უძლიერეს მამაკაცად!“ ფილმი „სამყაროს მბრძანებლები“ კინოთეატრებში 2026 წლის 5 ივნისს გამოვა.