სტივენ სოდერბერგის ახალი ფილმის, „კრისტოფერების“ ოფიციალური თრეილერი გამოვიდა

„ტილოსთან ურთიერთობა მაქვს. რაც სათქმელი მქონდა, ვუთხარი!“ – ამ სიტყვებით იწყება სტივენ სოდერბერგის ახალი ფილმის, „კრისტოფერების“ (The Christophers) ოფიციალური თრეილერი, რომელიც კინოკომპანია Neon-მა გამოაქვეყნა. ეს სოდერბერგის მორიგი ნამუშევარია, რომლის ნახვასაც კინოთეატრებში შევძლებთ (გასული წლის ფილმების „ყოფნა“ და „შავი ჩანთა“ შემდეგ). ფილმის პრემიერა 2025 წლის ტორონტოს კინოფესტივალზე შედგა, თუმცა უცნაურია, რომ სხვა ფესტივალებზე არ გამოჩენილა. Neon ფილმის გამოშვებას აპრილში, გაზაფხულზე გეგმავს. სიუჟეტის მიხედვით, ოდესღაც ცნობილი მხატვრის შვილები ყალბმქმნელს ქირაობენ, რათა მამის დაუმთავრებელი, დიდი ხნის მიტოვებული ტილოები დაასრულოს, რათა მემკვიდრეობა მიიღონ მისი გარდაცვალების შემდეგ. იან მაკკელენი ჯულიან სკლარის როლს ასრულებს – მხატვრის, რომელიც ლონდონის 1960-70-იანი წლების პოპ-არტის ვარსკვლავი იყო, თუმცა ათწლეულების განმავლობაში არ ხატავდა და წლებია გაკოტრებულია. მისი ორი გაუცხოებული შვილი, ჯეიმს კორდენი და ჯესიკა განინგი, სასოწარკვეთილი მემკვიდრეობის მოპოვების სურვილით, ლორის, ხელოვნების რესტავრატორს და ყოფილ ყალბმქმნელს (მაიკლა კოელი) ქირაობენ, რათა დაუმთავრებელი ნამუშევრების გაყიდვაში დაეხმაროს. ლორის გეგმაა, თავი წარმოაჩინოს, როგორც პოტენციური ასისტენტი, რათა მიწვდეს ჯულიანის მიერ საცავში ღრმად ჩამარხულ 8 დაუმთავრებელ ტილოს. მისი მიზანია, დაასრულოს ისინი, შემდეგ კი უკან საცავში დააბრუნოს, სადაც ისინი ჯულიანის სიკვდილის შემდეგ „აღმოჩენილ“ იქნება. ეს სახალისო პროექტი ჩანს – განსაკუთრებით კი სოდერბერგის რეჟისორობით, რაც იმას ნიშნავს, რომ ეს უბრალო ამბავზე მეტია ხელოვნების შესახებ. მაყურებლისთვის საინტერესო იქნება, სად მივა ეს ისტორია ნახატებთან დაკავშირებით და რა მოუვა სკლარს. „კრისტოფერების“ რეჟისორია ამერიკელი პროდიუსერი/სცენარისტი/კინორეჟისორი სტივენ სოდერბერგი, რომელსაც ეკუთვნის მრავალი ფილმი, მათ შორის: „სექსი, ტყუილები და ვიდეოჩანაწერები“ (Sex, Lies, & Videotape), „ტრაფიკი“ (Traffic), „ოუშენის თერთმეტი მეგობარი“ (Ocean's Eleven), „ჩე: ნაწილი 1 და 2“ (Che: Part 1 & 2), „კონტაგიონი“ (Contagion), „გვერდითი მოვლენები“ (Side Effects), „ჰეივაიერი“ (Haywire), „იღბლიანი ლოგანი“ (Logan Lucky), „უგუნური“ (Unsane), „მაღლა მფრენი ჩიტი“ (High Flying Bird), „სამრეცხაო“ (The Laundromat), „დაე, ყველამ ილაპარაკოს“ (Let Them All Talk), „მოულოდნელი სვლა“ (No Sudden Move), „კიმი“ (Kimi), „ჯადოსნური მაიკის ბოლო ცეკვა“ (Magic Mike's Last Dance), „შავი ჩანთა“ (Black Bag), „ყოფნა“ (Presence), ასევე სერიალები: „ნიკი“ (The Knick), „მოზაიკა“ (Mosaic), „სრული წრე“ (Full Circle), „ბრძანება Z“ (Command Z). სცენარი დაწერა ედ სოლომონმა (Ed Solomon), ცნობილი ნამუშევრების ავტორმა, როგორებიცაა „ბილი და ტედი“ (Bill & Ted), „შავებში ჩაცმული კაცები“ (Men in Black), „ჩარლის ანგელოზები“ (Charlie's Angels), „წარმოიდგინე“ (Imagine That), „ახლა მხედავ“ (Now You See Me), „მოულოდნელი სვლა“ (No Sudden Move). პროდიუსერები არიან იაინ ქენინგი (Iain Canning) და ჯიმ პარქსი (Jim Parks). Neon სოდერბერგის ფილმს „კრისტოფერები“ აშშ-ის შერჩეულ კინოთეატრებში 2026 წლის 10 აპრილს გამოუშვებს, შემდეგ კი 17 აპრილს ის მთელი ქვეყნის მასშტაბით გამოვა.