საერთაშორისო სიახლეების რედაქტორის, ლეო ბარაკლოს ცნობით, გაყიდვების კომპანია Reinvent Yellow-მ რამდენიმე ტერიტორიაზე დახურა გარიგებები სათავგადასავლო-საოჯახო ფილმ „ტროლი როკის“ (Rocky the Troll) გასაყიდად, რომელსაც ის ბერლინის ევროპის კინობაზრობაზე ყიდის. ფილმი პროდიუსირებულია 2022 წლის „ტროლის“ გუნდის მიერ, რომელიც Netflix-ზე ყველაზე ყურებადი არაინგლისურენოვანი ფილმია. „ტროლი როკი“ შეიძინეს: ჩეხეთისა და სლოვაკეთისთვის — Foxx-მა; პოლონეთისთვის — Monolith-მა; გერმანიის, ავსტრიის, შვეიცარიისა და ბალტიისპირეთის ქვეყნებისთვის — Daro-მ. ნორვეგიული ფილმის ცენტრშია 12 წლის გაია, რომელიც აღმოაჩენს, რომ მისი დიდი ბაბუის კლდეების კოლექცია ტროლების კვერცხებია. როდესაც ერთ-ერთი კვერცხიდან ლეკვი იჩეკება, გაიასა და მას შორის ჯადოსნური კავშირი წარმოიქმნება, რაც გოგონას მალე ამაღელვებელ, თუმცა საშიშ თავგადასავალში ჩაითრევს. მის კონტროლს მიღმა მყოფი ძალები საფრთხეს უქმნიან როგორც მის სამყაროს, ისე ტროლების ფარულ არსებობას. ფილმის რეჟისორია ანდრეა ეკერბომი, სცენარისტი კი — ედვარდ ა. დრეიერი. პროდიუსერები არიან: ტერიე სტრომსტადი, კრისტიან სტრანდ სინკერუდი, ესპენ ჰორნი და ჯონ მ. იაკობსენი. ფილმი პროდიუსირებულია Motion Blur-ის მიერ, რეგიონული კინოფონდ FimInvest-ის, ნორვეგიის კინოინსტიტუტის, SF Studios-ისა და REinvent-ის მხარდაჭერით. როდესაც Reinvent Yellow-მ ფილმი AFM-მდე შეიძინა, აღმასრულებელი დირექტორის მოადგილემ, რიკე ენისმა, Variety-ს განუცხადა: „„ტროლი როკი“ Reinvent Yellow-სთვის ოცნების პროექტია. ის მაქსიმალურად ახლოსაა იმ საკულტო საოჯახო ფილმებთან, რომლებსაც ოთხმოციანი წლებიდან ვაფასებთ (როგორიცაა „უცხოპლანეტელი“ და „გრემლინები“). Motionblur-ისა და „ტროლის“ გუნდის მონაწილეობით, ეჭვი არ გვეპარება, რომ ეს იქნება გამაოგნებელი ჰიტი, რომელიც დიდ ამბიციას შესანიშნავ შესრულებასთან აერთიანებს“. ჰელენე აურუმ, Reinvent Yellow-ს გაყიდვების მთავარმა ოფიცერმა, დაამატა: „„ტროლი როკი“ ერთ-ერთ ყველაზე კომერციულად პერსპექტიულ საოჯახო სათავგადასავლო ფილმად მიგვაჩნია ბოლო წლების განმავლობაში – მას აქვს ყველა ინგრედიენტი ძლიერი საერთაშორისო გაყიდვებისა და ხანგრძლივი მაყურებლის მოზიდვისთვის“.