Netflix-ის ცნობით, ვაინონა რაიდერი (Winona Ryder) სერიალ „უენსდეის“ (Wednesday) მესამე სეზონის მსახიობთა გუნდს შეუერთდება. რაიდერი, რომელიც ცნობილია სერიალ „უცნაური ამბებით“ (Stranger Things) და ფილმ „ბითლჯუსით“ (Beetlejuice), სავარაუდოდ, სერიალში ახალ პერსონაჟს, თაბითას (Tabitha) განასახიერებს. ასევე ცნობილი გახდა, რომ მორტიშა ადამსის (Morticia Addams) პრობლემური დის, დეიდა ოფელიას (Aunt Ophelia) როლს ევა გრინი (Eve Green) შეასრულებს. Netflix-მა ასევე გამოავლინა, რომ მესამე სეზონში კიდევ ოთხი მსახიობი მიიღებს მონაწილეობას: კრის სარანდონი (Chris Sarandon) ბალთაზარის (Balthazar) როლში, ნოა ტეილორი (Noah Taylor) საირუსის (Cyrus) როლში, ოსკარ მორგანი (Oscar Morgan) ატიკუსის (Atticus) როლში და კენედი მოიერი (Kennedy Moyer) დეიზის (Daisy) როლში. ამასთანავე, ადამსების (Addams family) მთელი ოჯახი დაბრუნდება: ჯენა ორტეგა (Jenna Ortega) უენსდეის როლში, ლუის გუზმანი (Luis Guzman) გომესის (Gomez) როლში, ქეთრინ ზეტა-ჯონსი (Catherine Zeta-Jones) მორტიშას როლში, აიზეკ ორდონეზი (Isaac Ordonez) პაგსლის (Pugsley) როლში, ფრედ არმისენი (Fred Armisen) ბიძია ფესტერის (Uncle Fester) როლში, ჯოანა ლამლი (Joanna Lumley) გრანდმამას (Grandmama) როლში, იონას სუოტამო (Joonas Suotamo) ლერჩის (Lurch) როლში და ვიქტორ დორობანტუ (Victor Dorobantu) თინგის (Thing) როლში. ნევერმორის (Nevermore) აკადემიის დაბრუნებულ სტუდენტებს შორის იქნებიან: ემა მაიერსი (Emma Myers) ენი მ სინკლერის (Enid Sinclair) როლში, ჰანტერ დუჰანი (Hunter Doohan) ტაილერ გალპინის (Tyler Galpin) როლში, ჯოი სანდეი (Joy Sunday) ბიანკა ბარკლის (Bianca Barclay) როლში, ივი ტემპლტონი (Evie Templeton) აგნეს დემილის (Agnes DeMille) როლში, მუსა მუსტაფა (Moosa Mostafa) იუჯინ ოტინგერის (Eugene Ottinger) როლში და ჯორჯი ფერმერი (Georgie Farmer) აიაქს პეტროპოლუსის (Ajax Petropolus) როლში. სხვა დაბრუნებულ მსახიობებს შორის არიან: ბილი პაიპერი (Billie Piper) ისადორა კაპრის (Isadora Capri) როლში, ლივ სპენსერი (Liv Spencer) ვარიკოზის (Varicose) როლში და ლუიანდა უნატი ლუის-ნიაო (Luyanda Unati Lewis-Nyawo) შერიფ რიჩი სანტიაგოს (Sheriff Ritchie Santiago) როლში. მესამე სეზონის გადაღებები ირლანდიაში გაგრძელდება, პრემიერა კი 2027 წლისთვის არის მოსალოდნელი. „უენსდეის“ რეჟისორმა და აღმასრულებელმა პროდიუსერმა ტიმ ბარტონმა (Tim Burton) განცხადება გაავრცელა: „ძალიან მიხარია, რომ ვაინონა შემოგვიერთდა, ის იდეალურად ჯდება ამ სამყაროში და ჩემი ძვირფასი მეგობარია. ყოველთვის გამიმართლა მასთან მუშაობისას.“ პოპულარული სერიალის შემქმნელებმა და შოურანერებმა, ელ გოფმა (Al Gough) და მაილს მილარმა (Miles Millar), დაამატეს: „როდესაც საქმე გარიყულებს ეხება, ვაინონა რაიდერი შეუდარებელია (GOAT). მისი ლეგენდარული პარტნიორობა ტიმ ბარტონთან კინემატოგრაფის ყველაზე დაუვიწყარი პერსონაჟები შექმნა. გვიყვარდა მასთან თანამშრომლობა ფილმზე „ბითლჯუსი ბითლჯუსი“ (Beetlejuice Beetlejuice) და უფრო მეტად აღფრთოვანებულები ვართ, რომ მას ნევერმორში ვხვდებით.“ რაიდერს ბარტონთან მანამდეც ჰქონდა ნამუშევარი ფილმებზე „ედვარდ მაკრატელხელები“ (Edward Scissorhands) და 2012 წლის ანიმაციურ ფილმ „ფრანკენუინიში“ (Frankenweenie). ის ორჯერ იყო ნომინირებული ოსკარზე: ერთხელ საუკეთესო მეორეხარისხოვანი როლისთვის ფილმში „უდანაშაულობის ხანა“ (The Age of Innocence) და კიდევ ერთხელ საუკეთესო მსახიობი ქალის ნომინაციაში ფილმში „პატარა ქალები“ (Little Women). მისი სხვა სატელევიზიო როლები მოიცავს სერიალებს „შეთქმულება ამერიკის წინააღმდეგ“ (The Plot Against America) და „მაჩვენე გმირი“ (Show Me a Hero).