Deadline-ის ინფორმაციით, ანა დე არმასი და ჯენიფერ კონელი მოლაპარაკებებს აწარმოებენ Apple-ისთვის მზადებულ ჯაშუშურ თრილერ სერიალ „უსაფრთხო სახლებში“ (Safe Houses) მთავარი როლების შესასრულებლად. სერიალის ავტორია გიდეონ რაფი, რომელმაც შექმნა ისრაელური სერიალი „ტყვეები“ (Prisoners of War), რომლის საფუძველზეც შეიქმნა ჰიტი სერიალი „სამშობლო“ (Homeland). დენ ფესპერმანის რომანის მიხედვით შექმნილი „უსაფრთხო სახლები“ იქნება რვანაწილიანი სერიალი, რომლის მოქმედებაც „მაღალი რანგის CIA-ს ოფიცრის მადრიდში მკვლელობის შემდგომ პერიოდში ვითარდება. სერიალი ფოკუსირებულია სოფია ხიმენესზე (დე არმასი), დანაშაულში ბრალდებულ გაქცეულ აგენტსა და ელჩ ელიზაბეტ უინთროპზე (კონელი), მოკლულის ქვრივზე. ისინი თითოეული საკუთარი პოზიციიდან იძიებენ მკვლელობას, რა დროსაც ხსნიან ვრცელ შეთქმულებას, რომელმაც შესაძლოა გლობალური ძალთა ბალანსი შეარყიოს.“ სერიალის თანაპროდიუსერები არიან Apple Studios და Wiip. ეპიზოდების საწყის ბლოკს ოტო ბათერსტი („ბრმათა ორდენი“/Peaky Blinders) გადაიღებს, ხოლო რამდენიმე ეპიზოდს თავად რაფი დადგამს. მაიკ სეიდთან ერთად სერიალის შემუშავების გარდა, რაფი პროექტის აღმასრულებელ პროდიუსერებადაც იმუშავებს ალექსანდრა მილჩანთან, პოლ ლისა და დევიდ ფლინთან ერთად. პროექტი ინტრიგულად ჟღერს, განსაკუთრებით კი ანა დე არმასისა და ჯენიფერ კონელის მონაწილეობა დიდ ინტერესს იწვევს. ანა დე არმასი ბოლოს ჯონ უიკის სპინ-ოფში, „ბალერინაში“ გამოჩნდა, თუმცა მის სამომავლო გეგმებში კიდევ ბევრი მასშტაბური პროექტია. ერთ-ერთი მათგანია „სიღრმე“ (Deeper), პროექტი, რომელზეც დიდი ხანია მუშაობა მიმდინარეობს. ზებუნებრივ თრილერად აღწერილ ამ ფილმში ტომ კრუზი თამაშობს დისკრედიტირებულ ასტრონავტს, რომელიც ღრმა ზღვაში ექსპედიციას იწყებს ახლად აღმოჩენილი ოკეანის თხრილის გამოსაკვლევად, რა დროსაც იდუმალ და საშიშ ძალას ხვდება. კრუიზი და დე არმასი, როგორც ამბობენ, პროექტისთვის ინტენსიურ მყვინთავთა წვრთნას გადიოდნენ. გადაღებები გასულ ზაფხულს უნდა დაწყებულიყო, თუმცა Warner Bros.-მა გადაჭარბებული ბიუჯეტის გამო პროექტზე გადაწყვეტილება გადაათვაერა. პროექტი, როგორც ჩანს, შეჩერებულია, სანამ ახალ ბიუჯეტზე არ შეთანხმდებიან, ან ფილმი ახალ „სახლს“ არ იპოვის. რაც შეეხება კონელის, ის ბრუნდება Apple TV-ის სამეცნიერო-ფანტასტიკური სერიალ „ბნელი მატერიის“ (Dark Matter) მეორე სეზონში, სადაც ჯოელ ედგერტონთან ერთად თამაშობს.