თვის დასაწყისში გავრცელდა ინფორმაცია, რომ ბრი ლარსონი („კაპიტანი მარველი“) მონაწილეობას მიიღებს არსებებზე ორიენტირებულ ფილმში სახელწოდებით „ჩონჩხები“ (Skeletons). პროექტის რეჟისორი ჯ.ტ. მოლერი („უცნაური საყვარელი“) იქნება, სცენარი კი ბრაიან დაფილდს („სპონტანური“, „ვერავინ გადაგარჩენს“) ეკუთვნის. ფილმის პროდიუსერი ჯ.ჯ. აბრამსი იქნება თავისი კომპანია Bad Robot-ის მეშვეობით. ეს პროექტი პოტენციურ მყიდველებს ევროპის კინობაზრობაზე წარედგინა და ამჟამად Deadline იუწყება, რომ Sony Pictures-ი უფლებების შეძენასთან ახლოსაა. აღინიშნება, რომ მსოფლიო გარიგება დაახლოებით $25 მილიონ დოლარს შეადგენს და Sony-მ გაასწრო რამდენიმე კონკურენტს, რომლებსაც შიდა ბაზრის უფლებები სურდათ. დაფილდის სცენარი ფილიპ ფრაკასის მოკლე მოთხრობას ეფუძნება. პროექტის წინა სამუშაო სახელწოდება „უსაფრთხო ჩავარდნა“ (Fail-Safe) იყო. სიუჟეტი მოთხრობილია ახალგაზრდა ბიჭის პერსპექტივიდან, რომელიც ნელ-ნელა აღმოაჩენს, რომ მისი საყვარელი მშობლები დედის ნამდვილი ბუნების შესახებ შემზარავ საიდუმლოს მალავენ. ლარსონი სწორედ ამ საიდუმლო ბუნების მქონე დედის როლს ასრულებს. ბავშვისა და მამის როლებზე ქასთინგი მიმდინარეობს. აბრამსმა პროექტის შესახებ ადრე გააკეთა შემდეგი განცხადება: „ბრაიან დაფილდმა დაწერა აბსოლუტურად ძლიერი სცენარი. ეს არის საშინელებათა ფილმი, რომელიც იმდენად ტკბილი და ამაღელვებელია, რამდენადაც შემზარავი. ჯ.ტ. მოლნერის რეჟისორის სკამზე ყოფნა (მისმა „უცნაურმა საყვარელმა“ გამაოგნა) ოცნების ასრულებაა. და ბოლოს, უსაზღვროდ ნიჭიერი ბრი ლარსონის ჩვენს ვარსკვლავად ყოფნა ფილმს იმ იშვიათ საშინელებათა ფილმად აქცევს, რომელიც გაცინებს, გაგრძნობინებს და გაღელვებს, სანამ აბსოლუტურად ველურ მოგზაურობაში წაგიყვანს.“ „ჩონჩხებს“ წარმოადგენენ FilmNation Entertainment-ის საპროდიუსერო ლეიბლი Infrared, ჯ.ჯ. აბრამსის Bad Robot Productions და Assemble Media. დრიუ საიმონი, ჯ.ჯ. აბრამსი, ჯონ კოენი და ჯეკ ჰელერი პროდიუსერები არიან. Assemble-ის კეიტლინ დე ლაისერ-ელენი და დაფილდი, ლარსონთან და ფრაკასთან ერთად, აღმასრულებელი პროდიუსერების როლს შეასრულებენ. გადაღებები ამ ზაფხულს არის მოსალოდნელი. სანამ მოლერი (რომელმაც ახლახან დაწერა სტივენ კინგის ადაპტაცია „გრძელი სეირნობა“) ამ პროდუქციისთვის ემზადება, ის ასევე თანამშრომლობს A24-თან, Exurbia Films-თან, Spooky Pictures-თან, Image Nation-თან და Barnstorm-თან „ტეხასური ხოცვა-ჟლეტის“ სატელევიზიო სერიალზე.